又打八號風球，
對於一般打工仔黎講，
係一個打得好唔合時既風；
放工時間先黎開始掛，
掛到第二朝返工前就打完。 算啦，
今年都打左兩次八號，
都打足一日啦。 夜晚打風有夜晚打既好，
起碼少 d 為左博上鏡而走去碼頭邊睇浪既人；
起碼少 d 為刺激而走去海灘玩浪既人。
少左呢 d 無聊人，
起碼水警同消防員都會少 d 野做。 果 d 去睇浪而被浪捲走既人，
真的唔值得可憐，
往往仲要因為佢地而累及去拯救佢地既人。
每個人都要為自己做既野負責，
每做得一個決定，
都要知道有幾多 risk 要 take；
負唔起咁嚴重後果既話就唔該你唔好做。
------------------------------------------------------------------------------
尋日有個朋友好正經咁問我有關次按危機同雷曼兄弟既野，
仲問我覺唔覺得香港銀行有欺騙客戶既成份。
我就話，
銀行既人段估受過訓練，
絕對唔會話「一定穩陣、零風險」，
最多只會同你講「幾穩陣、好低風險」。
只不過呢個低風險既定義，
唔係話你蝕錢會好少果種低風險，
而係佢破產而令你無晒所有錢既機會好低；
而的確，
雷曼係一間規模好大而又歷史悠久既投資銀行，
「低風險」呢個字佢絕對有資格用。 銀行職員聳擁你買債券，
都係為左交數，
再唔係既最多有少少佣分，
呃你傾家蕩產買落去佢都無咩好處。 以我阿媽同我講佢識得有朋友既朋友，
用左一百萬買債券，
我唔知佢個年期有幾耐，
不過每個月就有成萬幾蚊利息； 我唔係要 d 苦主傷口上灑鹽，
不過我想問佢地買之前有無唸過點解人又銀行佢又銀行，
要俾咁高息你問你借錢？
你只要有一百萬去買，
每個月既利息已經可以等於甚至多過一個人既月薪？
---------------------------------------------------------------------------
每個人都應該為自己做既決定負責，
雖然有 d 人真係將佢畢生積蓄都放晒落去，
一下子無晒辛勞一世先得返黎既財富，
換著係我都會發狂；
不過話要將責任推落銀行果度，
未免太過撒賴了。
| 
